India ram a hmun Hrâng ber

_He hmun kan sawi tur hi,India ram a hmun hrang ber leh a hrang thin tak tak ni a ansawi hial thin a ni a,kan awih zawng a ni emaw nilo emaw kan hriatna tizautu atan leh nakinah kal duh hunte pawh kan la nei ve maithei a,a chanchin tlem a zawng sawi kan tum dawn a ni._

.

Bhangarh hi India ah chuan hmun hrang bera sawi anih na a rei ta khawpmai, khawvelah pawh

hmun hrang sawi chuan Bangarh hi a lang ve ziah ani. Bangarh hi tun hmaa khaw pakhat a nia, Rajasthan state a awm Sariska Tiger reserve

piah, Jaipur leh Alwar khua inkara awm ani. Tun hnu ah chuan he khuaah hian tumah an awm tawh lemlo a, tun hmaa khaw hlui(temple etc)bak hmuh tur a awm tawh lemlo a, tourist spot ani deuh ber tawh ani.

A chanchin chhui chuan 1631 kum khan MadhoSingh a din ani a, (ani hi King Akbar a general Man Singh a unaupa ani)Pi/pu te sawi dan chuan Madho Singh hian helai hmuna lo inserhthianghlim thin sadhu Guru Balu Nath hnenah khua din a dila, sadhu hian a phal ve mai a, amaherawhchu an Lal in sak daihlimin

a chhun erawh chuan chhiatna nasatak a thlen tur thu leh khua chu chawp leh chilha a ram tur thu a hrilh a, Madho Singh a chuan khua ropui em em a sa ta a, nikhat chu an fort sak zinga pakhat daihlim chuan sadhu chu a hliah ta a sawi lawk ang ngei mai khan chhiatna nasa tak

a thleng a, hun reilote chhungin khuaa awmte anthi in ala dam awmchhun tlemte te pawh chuan an rauh san vek a, a boral tate thlarau hian vawiin ni thleng hian ala chenchilh niin an ngai ani.

Guru Balu Nath-a thlan pawh hi Bangarh ah hian ala awm reng ani. He lai hmunah hian thil

maksak leh mihring finna in a sawifiah theih loh thil tamtak a thleng tawh a, ramhuai an hmu ngun em em bawk ani, tin zan lama mihring(tourist) a hmuna kal mi tamtak an bo(missing) tawh bawk.

Ramhuai leh thlahrang zawng pawl (ghost

busters) tam takin he hmun hi an endik tawh

a,chanchin mak tak tak leh ngaihnawm tak tak

pawh chhiar tur a tam hle ani awm e. Chu mai

bakah India sorkar (ASI=Archaelogy Survey of India) ngei pawhin sign board lian tak tarin,“Helai hmunah hian ni tlak hnu leh ni chhuahhma in tumah kal loh tur”ati tawp ani. Govt of India danah chuan historical hmun reng reng bul hnaiah hian ASI hian office an nei ngei ngei tur a ni a,mahse Bhangarh bik erawh hi chu a bul

hnaiah ASI hian office a nei ngam ngang lo a,

km1 a hla ah office a nei chauh ani.

Hemi bakah hian thingkung (Kewda leh

Pandanus kung) helai hmuna awm thluah te hian anchhia an kengtela hriat ani a,sorkar hian

khawih a phallo tawp ani.

Kan thianpa (kan hotupa) Catholic Relief Service a thawkin a unaupa te chanchin min hrilh ania,

ka thiam angin ka rawn tarlang ang e. 2007

summer holiday lai chuan thian 4 in helai hmun hi tlawhin,bullet bike 2 in an kal a, thalai fit veh vawh, collegegym ah pawh regu pawl, lehkha zir

lamah pawh bright em em te an ni a, a hma deih atang tawhin Bhangarh chanchin hi anlo hre fo tawh a, anmahni ah hian chona (challenge) a siam nasa em em a, hetia thian zaho kim taka

an kal ho thei chu an hlim em em a,”Ramhuai

chu kan man ngei dawn nia” tiin, nui uar uar pahin kal lamah pawh hian hlim takin fiamthu an thawh ham ham a. A hmuna zan hnih cham tura in ruahman an nih avangin an inring em em a,Video camera,thermal sensor, DSLR, te bakah

puanin (tent) leh eitur thahnem tak an keng tel bawk a, tin helai hmunah hian ramsa leh rul atam avangin invena tur leh damdawi lampang thlengin an in ring lawk vek nghe nghe ani.

An bike te hi a hmun atanga km 2 a hlaah an

dah a, tlailam ah ke in helai atang hian tlang

chu an lawn ta a, chhun lama tourist guide te

leh duty te hmuh loh chuan Bhangarh chu anthleng ta a, an puan in te chu an siam fel a, tlai chaw an kil zawh hnu chuan an hlim takin an awmdan tur te an rel a, tichuan zan a rei deuh hnu chuan an camera te leh instrument dang te

nen chuan an chhuak ta a.

Darkar engemaw zah chhung chu thla te an la a, tichuan hahchawl tur chuan an puanin lamah chuan an kir ta a, an video leh still lak te chu an thlir ho a,laptop ah te an thun lut a, a hnu deuh

lawkah chuan an thianpa pakhat chu a bul hnai maiah inthiar turin a kal a, darkar khat hnu ah pawh a rawn kir ta reng renglo mai a, a thiante ngaihtha vaklo chuan an ko vak vak a, mahse a aw hriat tur a awm ta reng renglo mai a, an

zawng ta chiam a, khawvar thlengin an zawng a,an hmuh mai loh avang chuan an mangang em em a, a ruk a ral a thilti an nih avang chuan duty

te leh police lam te hriattir an hreh bawk si nen.Reilote an muhil a, tichuan tha thar in nileng deuh thaw an zawng leh a, an beidawng chuan

duty te leh police lama thlen mai chi niin an hre ta a.

Km1 vela hla a ASI office ah chuan anva kal a,chanchin kimchang tak anva hrilh ta a, tin in

lama an chhungte pawhin an hriat rual rualin atam thei ang ber police te leh ui fing te nen an zawng ta luih luih mai a, a ruang chu an hmu zo ta reng renglo ani. Rajasthan court ah pawh dan

ang thlap a engkim tih anih hnuin an thianpa bo ri ngawt nachhan hi tuman an sawifiah theilo a ni.

Chhungkaw awm thei tak an nih hlawm avang chuan, khawvel hmun danga mi thiam zawk(detective/ professionals/etc) te pawh ruang zawng tur hian an hire a,mahse an hlawhchham

vek ani. Helai hmuna mi bo tamtak zinga an

thianpa ngei alo telve ta chu hriatthiam har an ti hle a ni.

.

.