Thil thleng mak leh dangdai tak takte

@@.  SILAIMU KAL KIKAWI:

Kum 1995 September thla khan Bartow, Florida, USA cheng Edward Hand (33) chuan amah inkahhlum a tumna ah silaimu in a tum loh zawk a deng fuh.

Edward hian Nuthlawi a ngaizawng a. Mahse a bialnu hian Edward hi kalsanin a pasal hlui a pan leh ta si.

Edward chu a bialnu te nupa Inah chuan va kalin an hmuh lai ngeia pistola inkahhlum tumin a khabe ah a chuktuah a. Pistol a hmet per chu a khabe ah lutin a hapui in a mu a lo hruai kawi a. Silaimu chu a biang dinglamah a rawn chhuak leh a. Silaimu chak taka thlawk chuan bang deng fuhin a sawhkhawk chuan a bialnu pasal lu ah tak fuhin a thih phah ta zawk a ni.

Edward chu Police in an man nghal a. Case 3 ngawt awrh tirin Jail ah reitak hun a hman phah ta a ni.

.

@@.  MAHNI FANU NUPUI AH NEI TEUH

Kum tamtak liam tawha thil thleng mah nise tarlang reng reng teh ang.

Italy khawpui pakhat Milan a cheng Casanova, kum 36 chu a lerh kual ve thin deuh a ni ang. Khawlai fa pawh a nei nual a. A fate erawh a ngaihsak zui tehchiam lo thung.

Tum khat chu a bialnu tleirawl tê chu nupui ah neih a tum a. A nupui tur Leonilda nen an inneih hma chawlhkar khat a la awm tihin a nupui tur nu ( a pizawn tur) te nen an inhmu khawm a.

Chutia an inhmu thut chu a nupui tur nu Donna Werezia chu mak tiin a au teng tung ta mai a.

A chhan an zawh chuan Casanova nupui tur Leonilda chu kum 17 kal ta a an pahniha fa a lo ni.!!

Ama fanu ngei nupui ah a nei teuh ther ther khawp mai.

.

@@.  BIALNU ȚHEN VANGA TAWRHNA:

Gerina, Spain a cheng Abel Ruiz chu a bialnu nen an intihthiam loh avangin intihhlum a tum a.

Rel tlan laia in chil tir tumin a zuang vak a. Mahse Relin a chil fuh chiah ta si lo.. Hliam tenau a tuar.

A hnu ah Truck full load inchil tir leh tumin motor tlan lai hnuaiah a zuang lut leh a. 

Mahse Truck hian a chil fuh lo leh hlauh. Mahse first aid la turin damdawiin ah an kal a. Damdawiina thawkte chuan Ruiz chu a rilru thlak a, nunthara nung turin an fuih mawlh mawlh a. Ani pawh chu a hlim em em a. 

Nunthara nung tura hlim taka haw turin hospital a chhuahsan a. Hospital tualah chuan Sawkawr hel pakhat tlanchhiat tum hi a lo awm a. Ruiz chu a lo kheng vak mai a. Hliam na tak tuarin Damdawiin ah bawk a lut leh ta a ni.

.

@@.  SIPAI RORUM:

Blas de Lezo hi Spanish niin sipai rorum ve tak chu a ni.

Kum 25 anih in Battle of Cartagena de Indians ah telin a ke veilam Laipuiin an kah chhiat sak a.

Heti chung hian sipai hna chu a bansan chuang lova. Indona dangah tel lehin a mit veilam a chhe leh ta nge nge.

A la bansan chuang lo. A vawithumna atan Indona ah a tel leh a. A ban dinglam tan ngai hial khawpin hliam a tuar leh ta.!!

Loh theih lohin sipai chu a bansan ta a. Admiral ah a kaisang hman hial reng a ni.

Hetiang khawpa pa rorum hi hrileng avangin a thi ta thung a ni.

.

@@.  GOALKEEPER TUARCHHEL:

Kum 1956 FA Cup Final ah khan Manchester City Goalkeeper Bert Trautmann khan goal ngei tura ngaih ball lo kal kha nalh em em a dive in a lo save a. Mahse a lu a sawh avangin nikhaw hre lovin a tla palh ta hlauh. An han enkawl nawk nawk a, a lo harchhuak leh a. 

Goalkeeper substitute hmang ta lem lo chuan a khel tlang ta a. Hnehna an chang ta nghe nghe.

Inkhelh zawh chuan a lu a hai a, a luak a chhuak bawk a.

Zanah phei chuan a lu a ti che ngam ta hauh lo mai. Damdawiin ah an hruai a. Uluk taka an check chuan a ring ruh chu hmun 5 ah a pelhsawlh a, hmun 1 phei chu a keh lehnghal. Field chhunga a thi nghal lo kha vannei tak a ni. A va tuarchhel tehlul mai em!!

.

@@.  DAMNA BEISEIIN NAUTE PHÛM:

Karnataka State a Bidar District a khaw pakhat ah chuan Nilaini kal ta a Ni Awklem denchhen khan nupa tuak khat chuan an fa thla 9 mi pianphunga rual ban lo (zeng) chuan damna a chan theih nan a Awm (chest) chin hnuai lam Leiah Darkar 3 an phum.

Hetianga rindan atthlak hi he district ah hian a awm fo tawh a. Kum 2009 Ni Awklem pawh khan nu leh pa thenkhat chuan fate damna anih beiseiin Chirh ah an nghawng thleng an phum tawh bawk.

He district ah hian rin dan atthlak kalpui vak ching an tam hle a. Mi tam ber chuan mawl vangah an puh ber a ni.

.

@@.  LUNGIN AH TANG REI DAWN CHIANG

> Bangkok Criminal Court, Thailand chuan July 29, 1989 khan Thai hmeichhia Chamoy Thipyasa leh a thurualpui mi 7 te chu mipui sum khawih chingpen ah puhin kum 141,078 chhung Lungin tang turin thutlukna a siam.

> Gabriel March Grandos, kum 22 a upa chu Palma de Mallorca, Spain ah mi lehkhathawn 42,768 a khawih chingpen avangin March 11, 1972 khan Court chuan kum 384,912 chhung tang turin thutlukna a siam.

> John Gacy chuan kum 1972 leh 1978 inkar khan Illinois ah mi 33 ngawt a thah avangin Court chuan March 13,1980 ah a chung thu a rel a. Damchhung Lungin tan let 21 tang tur leh vawi 12 thi turin a chung thu an rel.

⏩ Youtube lam a view duh tan.😘

...

.