The World rarest Animals and Endan Gered Species II

1, NORTHERN HAIRY NOSED WOMBAT :

-Heng ramsa te hi khawvela ramsa chi vâng ber pakhat an ni. Epping forest national park,
Queensland Australia ah an awm a, tunah chuan Northern Hairy nosed wombat te hi an vaiin 115 vel chauh an awm tawh a ni. Heng ramsa te thil hmuh theihna hi a chaurau em em a, a bikin thim zingah chuan chaw zawn nan an hnar rim hriatna hi an hmang zawk ṭhin. Tin heng ramsa te hi an tlem tawh em a vangin ramsa riral mai thei dinhmun hlauhawm a ding (Endangered species) zinga mi an ni.

Scientific name :
Lasiorhimus krefftii

2, PYGMY THREE TOED SLOTH :

-Heng sahuai chi khat samuang chi te hi Panama tuipui kam a thliarkar te tak te 'Isla Escudo de Veraguas' an tih a awm an ni. Kum 2011 ah mithiam ten heng ho chanchin an zirchian dan chuan, heng samuang te hi an vaiin 79 vel chiah an awm a chung te chu ramhnuai a chêng vek an ni.

Scientific name :
Bradypus Pygmaeus

3, RED CRESTED TREE RAT :

-Heng sazu chi khat ho hi Endangered species zing a mi an ni a, Eldorado Nature Reserve Colombia a awm te an ni. Heng ho chanchin zirchian leh chhinchhiah hnuhnun ber chu kum 1898 daih tawh kha a ni a. Mahse kum 2011 khan, Red crested tree rat ho hi an chanchin zirchian nawn leh a ni. Heng sazu te hi 18in.a sei an ni a, Guinea pigs an tih te nen chuan an inang viau a ni. Heng ho chênna hmun hi tihchhiat sak an nih ṭhin a vangin ramsa chi mang (Extinct) mai tur zing a mi an ni.

Scientific name :
Echimyinae

4, ELEPHANT SHREW :

-Elephant shrew te hi Boni Giant Senga ti a hriat an ni bawk. Heng ho hi khawvela ramsa chi vâng ber pakhat an ni a, Kenya rama Bonidoroni ramngaw a chêng an ni. Mahse an awm na hmun ramngaw hi ṭhiah leh tih chereu (Deforestation) leh ti lian leh tura siam a nih ṭhin avang in an chi a mang ṭep tawh a ni.

Scientific name :
Macrosceli didae

5, SOUTHEAST ASIA'S JAVAN RHINO :

-Heng samak chi mang mek te hi Southeast Asia ramhnuai ah te an chêng a, Javan rhino 60 vel chu Ujung kulon National park ah an awm a ni. Heng samak ki (Horn) te hi hralhsum atan pakhat man $ 30,000 vel zet te a nih avang in an chi hi a rêm mek a ni.

Scientific name :
Rhinocerus Sondaicus

6, PLOUGHSHARE TORTOISE :

-Heng satel chi khat te hi 'Angonoka' ti a hriat an ni bawk. Heng satel ho hi an chanchin zirchian an nih dan in, khawvel pum ah 440 aṭang a 770 vel chauh an awm tawh a ni. A rual a an awmna pui ber chu Madagascar a 'Baby bay' an tih hmun chu a ni a, inlam a khawi leh vulh atan sumdawnna (Pet trade) vangin man leh hralh ṭhin an ni. Mahse he hetiang thil a sumdawnna hi dân phalloh a nih bak ah khap tlat a ni a, heng a vang te hian heng satel te hi an chi a mang ṭep tawh a ni.

Scientific name :
Astrochelys yniphora

7, GOOTI TARANTULA :

-Heng maimawm chikhat te hi 'Metallic Tarantula' ti a sawi an ni bawk. Gooti tarantula te hi Sri Lanka leh Southeastern India ah te an awm a, ramngaw ṭhiah leh tih chereu, mihring buaina hrang hrang bak ah tuahthing/thingtuah tur lak an nih ṭhin a vang te in chênna tur nei lovin an rêm chak hle a ni.

Scientific name :
Poecilotheria Metallica

8, DURRELL'S VONTSIRA :

-Heng ramsa chikhat Durrell's Vontsira an tih te hi Salanoia Durrelli ti a hriat an ni bawk a. Madagascar a, The lake of Alaotra an tih huam chhung leh chhehvel a hmun sang leh hlauhawm tak tak ah te chuan an chêng a ni.

Scientific name :
Salanoia Durrelli

9, RARE HAINAN GIBBON :

-Heng ho hi hauhûk chikhat niin South China sea huamchhung ah an chêng a, khawvela ramsa chi vâng ber pakhat an ni. Hainan gibbon te hi an chhut dan in an vaiin 23 vel chiah an awm tawh a, ramsa chi khat humhalh ngai ber zing a mi an ni.

Binomial name :
Nomascus Hainanus

10, CUBA'S GREATER FUNNEL-EARED BAT :

-Heng bâk chikhat te hi Cueva La Barca, Cuba a awm an ni a. An chênna hmun hi mihring in an tihchhiat ṭhin a vangin heng bâk te hi an vaiin 100 bawr vel chiah an awm tawh a ni.

Scientific name :
Natalus pprimus

        ~Atea Thihlum


Tlaizawng Pâr