Sex Khawpui Aizawl

Zan lam Aizawl khawpui nun hi hmu ve ngai lo tan a awihawm kher lo mai thei.

KS leh S lo chu thuhran nise Bike leh car intlansiak thlengin, thil mak pui pui hmuh tur tam hle. Tin, heng zan lam nun piahlam tunlai thalai kum naupang te khawvelah Romeo+Juliet = SEX hluar dan leh Juliet+Juliet = SEX tam zia te hi i ngaihtuah ve ngai em. Mi tam takin kan nuih liam mai mai tawh laiin nu leh pate lam hian an la awih tha duh chiah lo niin a lang. A ruhlangin sawi ta ila Tuai leh Patil mahni anpui (same sex) ngat kawp an tam tawh zia hi. Mizo nula inphelhruak tihte hi chu kan hmu hne hlei hlui tawh zawk a nih hi. Ava rapthlak tak em! Kristian ram hi!

Zanlai thlifim..
He thu kan buatsaihna lamah zan khat chu Hunthar Vengah RV lam boruak thlir pahin zinglam dar 3:00 thleng kan thlithlai a. Zan khat thil thu lek mah nise, engkim a fiah uar mai. Chhuk zawnga lirthei tlan te chu awm ve pheuh pheuh mahse a tam ber chu chho zawng (haw lam?) pan an ni a. Taxi leh private Car changkang pui pui bakah Two Wheeler hnunga nula nalh tak tak chuang kan hmu teuh nia maw le. A tlangpuiin chhuk lam pan ho chu a pa hlang deuh, zu in tur ngawr ngawr an ang a, chho lam pan motor tam berah chuan a veilam tel an ni deuh zel. Zing khawvar hmaa mualpho lova mahni in thlen hman tum an ang ber niin Chhinlung Digest palaite chuan kan hria.

Girl to Girl & Man to Man
School uniform an hak avangin i fate lakah i ngaih ti tha ngawt suh. I fanu khan mipa nge a kawp hmeichhia tih thlengin ngaihtuah fo rawh. Zanlam nun chu thima thiltih anih avangin kan hre kilh kelh lo. Tuai ho pawh an bang chuang lo, mipa khuaikhem tur zawngin an mit an len ve ruai tho tih hi kan tunlai Zawlkhawpui zia a ni.

Kan milar te zingah pawh hetiang hi an awm zu nia. Entertainer lar pakhat chu hetiang lama mit len tura kan ngenna ngaipawimawh in theihtawp min chhuahpui a, mit ngeia a hmuh thil tam tak a sawi rualin, a tawn ram te phei chu ziahlan chi a ni mawlh lo.

Hostel-ah Chance?
Hostel warden pakhat chuan an sikul naupangte zinga lo che khawlo an awm thu a zep zo lo. Juliet + Juliet ang chi pawh Aizawl Sikul naupangte zingah hian an awm nual a, hnawh-chhuah hial tawk ta pawh he thuziak tu hian a hre ve bawk. Tuna kan ziah lai mek case hi chu kum naupang lamah a hluar deuh bik niin a lang.

Nawh loh chi zuar?
Taxi khalh hmelhriat nei chuan zawt fo ula, engemaw chen chu an hrilh kauh kauh thei ang che u. KS ni si lo, tleirawl hawklak, pawisa ngah tak tak, zan lama zalen bawk si te hi khawia mite nge? Taxi hire-in RV lam an pan thin a, zu lah chu an ti thei phian zel. Duh tawk an in ta maw tihah kan ‘ride’ an ti. Taxi driver pawisak nei vak lo tan chuan malsawmna a ni ringawt. Hetiang tawngtu driver 1 chuan, a hlau letlinga, midang a pun hial.

Pawisak neilo thalai
He thu kher hi chu awih har i ti viau mai thei. Kan Aizawl khawpui kawngdungah ngei hian zanlai pelh fe tawhah rawlthar 4/5 rualte chuan tleirawl pakhat an khilai rawn ngam asin.

Nu leh Pate Homework
kan ziak tlang hrek hrawk hle mai. Mahse a hun tlat tawh. Nu leh pate tan bengvarna lo nise, kan fate zalen zia leh TV-a kan hmuh khawthlang ho nungchang chiah chiah hi kan faten an zir tih awih loh phal chi a ni tawh lo. Hei hi lo in zawt thin teh u..

# I fate sikul bang hi an peng khawtlai thin em?

# Hmelhriat mang loh thian a rawn hruai fo em?

# |hian te nena riah ho/riah dun an ching em?

# An thawmhnaw ngen thin atangin a mizia i man thiam em?

# Eng TV Channel nge a ngainat?

# Tatto a nei em?

# Mobile phone a lawm em?

# B’Day lawm, chawei khawm-ah a tel thin em?

# Zana chhuahna tur chhuan-lam tha tak a nei fo em? etc.


I FATE AN HIM EM??



Tlaizawng Pâr