WILHELM CONRAD ROENTGEN (1845-1923)
☣️ Tûnlai khawvêl damdawi in pangngai X-ray thlalâkna kháwl nei lo chu an váng tawh âwm e. X-ray hi êng zungzâm, mit lâwnga hmuh theih loh zinga mi a ni a. Kum 1895-a German rama Professor pakhat Wilhelm Conrad Roentgen-a hmuh chhuah a ni a. Hetih hun lai hian an la hriat ngai loh avângin X-ray tiin a hming a vuah ngawt mai a ni.
A cháng chuan X-ray ti lovin a hmu chhuaktu hming chawiin “Roentgen ray” ti pawhin an sawi bawk ṭhin. A thil hmuh chhuah avâng hian kum 1901 khán Physics-a Nobel Prize hmasa ber a dawng ta nghe nghe a.
Roentgen-an X-ray a hmuh chhuah dàn hi a ngaihnawm hlê. Ṭum khat chu a laboratory-ah dárthlalang dâwt (cathode ray tube) hmangin enchhinna a nei a. Pindan chhúng chu a tithimin, cathode ray tube chu a chhúng aṭanga êng lo chhuah theih loh nân lehkha dumin a tuam tlat a. Nimahsela, chuti chung pawh chuan cathode ray tube bula thir tlang (metal) chi khat (barium platinocyanide) chu a êng ta tlat mai! Mak a ti êm êm a, a chhúng aṭanga êng lo chhuak tùr kha a tuamna lehkha dum khán a dang tùra ngaih a ni si a. Ngun taka a ngaihtuah hnu chuan êng zungzâm eng emaw, mit lâwnga hmuh theih loh chuan dárthlalang leh a tuamna káwr chu kal tlangin, barium platinocyanide chu a chhun êng a nih ngei a ring ta a. Tichuan, phûr takin thil dangte pawh enchhinin, chu êng zungzâm, X-ray tia a vuah tâk chuan lehkha, thing leh thir pan tê tê a kal tlang thei a ni tih a finfiah ta a.
Roentgen-a chuan a thil hmuh chhuah hmang chuan thla a lâk theih ngei a ring ta a. X-ray chu a nupui kutah chuan kal tlangtirin, a thla chu a la ta a. A nupui zungṭang ruh te, a zungbun te chu chiang takin a hmuh theih ta a. Tichuan, chu a thlalâk chu X-ray hmanga mihring ruh thlalâk hmasa ber a l o ni ta reng mai a.
He scientist ropui tak hi kum 1845 March ni 22 khán German lama Lennep khuaah a lo piang a. A pa chu lo nei mi a ni a. Holland ramah pawl hniam lam a zir zawh hnuin, Switzerland rama Zurich University-ah a zir zawm leh a, kum 24 mî a nihin he University-ah hian doctorate degree a hmu ta a ni. University hrang hrangah lecturer hna thawk kualin, kum 1885 khán Wiezburg University-ah Professor hna a thawk ṭan a. Heta a awm lai hian heti taka a lo lâr tâkna chhan ber hi a hmu chhuak ta a ni.
X-ray hi ruh thlalâk nân chauh ni lovin, cancer leh natna hlauhawm tak tak enkawl nân te pawh an hmang a, chuap lam natna te, kala lung awm leh mît a lung awm te hriat nân a ṭangkai hlê. X-ray hmang bawk hian taksa chhúnga rangkachak leh thil hlu an dawlh emaw, an thuhrûk ṭhinte chu awlsam takin an man chhuak thei bawk.
Roentgen-a hian X-ray bâkah thil tam tak a zir a. Thil fân dàn te, boruak leh thil sakhat lum chak dàn te a zir ngawrh hlê. Kum zabi 19-na tâwp lam khán Wiezburg aṭangin Munich-ah a pém a, kum 1923 February 10-ah he hmunah hian a boral ta a ni. X-ray a zirnaah X-ray zungzâm a inpho tam avângin a hrisêlnain a chhiat phah a, a boral phah ta a ni.
https://tlaizawngpar.blogspot.in
A cháng chuan X-ray ti lovin a hmu chhuaktu hming chawiin “Roentgen ray” ti pawhin an sawi bawk ṭhin. A thil hmuh chhuah avâng hian kum 1901 khán Physics-a Nobel Prize hmasa ber a dawng ta nghe nghe a.
Roentgen-an X-ray a hmuh chhuah dàn hi a ngaihnawm hlê. Ṭum khat chu a laboratory-ah dárthlalang dâwt (cathode ray tube) hmangin enchhinna a nei a. Pindan chhúng chu a tithimin, cathode ray tube chu a chhúng aṭanga êng lo chhuah theih loh nân lehkha dumin a tuam tlat a. Nimahsela, chuti chung pawh chuan cathode ray tube bula thir tlang (metal) chi khat (barium platinocyanide) chu a êng ta tlat mai! Mak a ti êm êm a, a chhúng aṭanga êng lo chhuak tùr kha a tuamna lehkha dum khán a dang tùra ngaih a ni si a. Ngun taka a ngaihtuah hnu chuan êng zungzâm eng emaw, mit lâwnga hmuh theih loh chuan dárthlalang leh a tuamna káwr chu kal tlangin, barium platinocyanide chu a chhun êng a nih ngei a ring ta a. Tichuan, phûr takin thil dangte pawh enchhinin, chu êng zungzâm, X-ray tia a vuah tâk chuan lehkha, thing leh thir pan tê tê a kal tlang thei a ni tih a finfiah ta a.
Roentgen-a chuan a thil hmuh chhuah hmang chuan thla a lâk theih ngei a ring ta a. X-ray chu a nupui kutah chuan kal tlangtirin, a thla chu a la ta a. A nupui zungṭang ruh te, a zungbun te chu chiang takin a hmuh theih ta a. Tichuan, chu a thlalâk chu X-ray hmanga mihring ruh thlalâk hmasa ber a l o ni ta reng mai a.
He scientist ropui tak hi kum 1845 March ni 22 khán German lama Lennep khuaah a lo piang a. A pa chu lo nei mi a ni a. Holland ramah pawl hniam lam a zir zawh hnuin, Switzerland rama Zurich University-ah a zir zawm leh a, kum 24 mî a nihin he University-ah hian doctorate degree a hmu ta a ni. University hrang hrangah lecturer hna thawk kualin, kum 1885 khán Wiezburg University-ah Professor hna a thawk ṭan a. Heta a awm lai hian heti taka a lo lâr tâkna chhan ber hi a hmu chhuak ta a ni.
X-ray hi ruh thlalâk nân chauh ni lovin, cancer leh natna hlauhawm tak tak enkawl nân te pawh an hmang a, chuap lam natna te, kala lung awm leh mît a lung awm te hriat nân a ṭangkai hlê. X-ray hmang bawk hian taksa chhúnga rangkachak leh thil hlu an dawlh emaw, an thuhrûk ṭhinte chu awlsam takin an man chhuak thei bawk.
Roentgen-a hian X-ray bâkah thil tam tak a zir a. Thil fân dàn te, boruak leh thil sakhat lum chak dàn te a zir ngawrh hlê. Kum zabi 19-na tâwp lam khán Wiezburg aṭangin Munich-ah a pém a, kum 1923 February 10-ah he hmunah hian a boral ta a ni. X-ray a zirnaah X-ray zungzâm a inpho tam avângin a hrisêlnain a chhiat phah a, a boral phah ta a ni.
https://tlaizawngpar.blogspot.in
Comments
Post a Comment