LEONARDO DA VINCI (1452-1519)
Vinci-a anga thil thiam chikim hi hê khawvêlah hian an piang kher lovang.
Lem ziak thiam, thil siam chhuaktu, ṭingṭang tum thiam, milim ker thiam, kháwl lam thiam, thil chîk mî, taksa chhung lam hre mî, in sa thiam, khawpui ruahman thiam a nih avângin ‘mî sàwm hen’ (ten men in one) tih a phú rêng a ni.
He mi mak tak, thil hrang hranga a ṭùl dàn anga chhawr theih hian a thluak pawh a hmang nasa hlê a, a thil ziahna bu phêk sângsarih zet mai chu a thil ngaihtuah chhuah leh a thil zir chi hrang hrangin a khat vek a ni, an ti.
Vinci-a hi kum A.D. 1452 April ni 15 khan Italy rama Vinci khuaah a lo piang a. A pa hi dàn hre mî, mi hausa tak a ni a. A nu leh a pa an inneih loh avângin a nu chanchin kan hre tam lo hlê. A nu hian a nausên lai chuan enkawl chhovin, pasal dang a neih dâwnah a pa hnênah a hlân a.
Kum 1467-ah a pa chu Florence-ah a pém a, chutah chuan Vinci-a chu a pami-in hun rei fé chhúng a enkawl a. Kum 14 a lo nih chuan a pa chuan milim ker thiam tak a ni tih a hre ta a. Ti chuan, milim ker mai bâkah thil tam tak a zir ta a ni. Vinci-a chu kum 30 mî a nih thlengin Florence-ah chuan a awm a. Inhlawhfa pahin thil a zir chho zêl a, pawisa erawh a la hlawh chhuak tlêm hlê a.
Kum 1842 chuan Milan Lal (Duke) hnênah a thil thiam chu hrilhin, hna a dil a.
Vanneihthlâk takin, ani chuan sipai engineer atán a lak a ni a,Heta a thawh chhúng hian ralthuam chi hrang hrang leh kháwl thil chi hrang hrang mâwl tê tê aṭanga changkâng tak tak thleng a siam chhuak ta a. Milan-a a awm chhúng hian khawpui ruahmanna leh in sakna lamah pawh ngaihtuahna a séng nasa hle. Kawtthlêr leh tui kawng kal dàn te a ruahman a, biak in leh in dang hrang hrang sak dàn tùr pawh a ruahman ṭhin. Lem ziak lamah pawh a hun tam tak a hmang a, kum 1495 – 1497 chhúnga a ziah, Isua leh a zirtirte zanriah hnuhnung an kîl lai lem ‘The Last Supper’ chu a hmingthan phah hlê a ni.
Kum 1499-ah Milan aṭangin Venice-ah a pém a, hetih hun lai hi Turkey nên an indo lai a ni lehnghâl a, ram pawh a buai hlê a.
Turkey beihnaah hian a thiam thil a thawh nasain, Turkey lawng tihpìl nâna hmanraw chi hrang hrang leh tuihnuai lawng te, lawng khalhtute hâk tùr, silai kah tlang zawh loh kawrte a ngaihtuah chhuak a, amaherawhchu, a sênso a hautak hlawm êm avângin, a ṭangkai tùr angin an chhawr ṭangkai thei ta lo zâwk a.
Kum 1500-ah Florence-ah a kîr leh a. Chuta a awm lai chuan a lem ziah lâr tak, nula hmélṭha tak nui lai ‘Mona Lisa’ chu a ziak leh ta char char a, kum 1503 aṭanga kum 1506 inkár chhúng ngawrh taka a beih hnû chuan a lem ziah máwi tak chu a zo ta a. Hê a lem ziah hian amah Vinci-a ngêi pawh a tilâwm a. Hê a lem ziah hmingthang tak hi tûn thlengin France rama Louvre Museum-ah hmuh theihin an la kawl ṭha nghe nghe a ni.
Kum 1506 aṭanga kum 1513 thleng Milan-ah a awm leh a. Hetih hun lai hian Milan chu French sawkár hnuaiah a awm tawh a.
Mari leh nausên Isua lem te, mi thianghlim Anne lem te a ziak leh a. Kum 1513 vêk hian Rom khawpuiah pémin, Lal Francis-a pakhatna chuan a lo mikhual a, he laiah hian a hun hnuhnung lam chu a hmang ta a.
Kan sawi tâk bâkah khan Vinci-a hian thil tam tak a siam chhuak a, thlawhtheihna kháwl te a duang chhuak a, mihring taksa bung hrang hrang lem te a ziak a, thil rit tak tak châwi sawnna kháwl siam dàn te pawh a duang chhuak bawk. Hê mi ropui tak hi kum 1519 May ni 2 khan France rama Cloux khuaah a boral ta a ni.
https://tlaizawngpar.blogspot.in
He mi mak tak, thil hrang hranga a ṭùl dàn anga chhawr theih hian a thluak pawh a hmang nasa hlê a, a thil ziahna bu phêk sângsarih zet mai chu a thil ngaihtuah chhuah leh a thil zir chi hrang hrangin a khat vek a ni, an ti.
Vinci-a hi kum A.D. 1452 April ni 15 khan Italy rama Vinci khuaah a lo piang a. A pa hi dàn hre mî, mi hausa tak a ni a. A nu leh a pa an inneih loh avângin a nu chanchin kan hre tam lo hlê. A nu hian a nausên lai chuan enkawl chhovin, pasal dang a neih dâwnah a pa hnênah a hlân a.
Kum 1467-ah a pa chu Florence-ah a pém a, chutah chuan Vinci-a chu a pami-in hun rei fé chhúng a enkawl a. Kum 14 a lo nih chuan a pa chuan milim ker thiam tak a ni tih a hre ta a. Ti chuan, milim ker mai bâkah thil tam tak a zir ta a ni. Vinci-a chu kum 30 mî a nih thlengin Florence-ah chuan a awm a. Inhlawhfa pahin thil a zir chho zêl a, pawisa erawh a la hlawh chhuak tlêm hlê a.
Kum 1842 chuan Milan Lal (Duke) hnênah a thil thiam chu hrilhin, hna a dil a.
Vanneihthlâk takin, ani chuan sipai engineer atán a lak a ni a,Heta a thawh chhúng hian ralthuam chi hrang hrang leh kháwl thil chi hrang hrang mâwl tê tê aṭanga changkâng tak tak thleng a siam chhuak ta a. Milan-a a awm chhúng hian khawpui ruahmanna leh in sakna lamah pawh ngaihtuahna a séng nasa hle. Kawtthlêr leh tui kawng kal dàn te a ruahman a, biak in leh in dang hrang hrang sak dàn tùr pawh a ruahman ṭhin. Lem ziak lamah pawh a hun tam tak a hmang a, kum 1495 – 1497 chhúnga a ziah, Isua leh a zirtirte zanriah hnuhnung an kîl lai lem ‘The Last Supper’ chu a hmingthan phah hlê a ni.
Kum 1499-ah Milan aṭangin Venice-ah a pém a, hetih hun lai hi Turkey nên an indo lai a ni lehnghâl a, ram pawh a buai hlê a.
Turkey beihnaah hian a thiam thil a thawh nasain, Turkey lawng tihpìl nâna hmanraw chi hrang hrang leh tuihnuai lawng te, lawng khalhtute hâk tùr, silai kah tlang zawh loh kawrte a ngaihtuah chhuak a, amaherawhchu, a sênso a hautak hlawm êm avângin, a ṭangkai tùr angin an chhawr ṭangkai thei ta lo zâwk a.
Kum 1500-ah Florence-ah a kîr leh a. Chuta a awm lai chuan a lem ziah lâr tak, nula hmélṭha tak nui lai ‘Mona Lisa’ chu a ziak leh ta char char a, kum 1503 aṭanga kum 1506 inkár chhúng ngawrh taka a beih hnû chuan a lem ziah máwi tak chu a zo ta a. Hê a lem ziah hian amah Vinci-a ngêi pawh a tilâwm a. Hê a lem ziah hmingthang tak hi tûn thlengin France rama Louvre Museum-ah hmuh theihin an la kawl ṭha nghe nghe a ni.
Kum 1506 aṭanga kum 1513 thleng Milan-ah a awm leh a. Hetih hun lai hian Milan chu French sawkár hnuaiah a awm tawh a.
Mari leh nausên Isua lem te, mi thianghlim Anne lem te a ziak leh a. Kum 1513 vêk hian Rom khawpuiah pémin, Lal Francis-a pakhatna chuan a lo mikhual a, he laiah hian a hun hnuhnung lam chu a hmang ta a.
Kan sawi tâk bâkah khan Vinci-a hian thil tam tak a siam chhuak a, thlawhtheihna kháwl te a duang chhuak a, mihring taksa bung hrang hrang lem te a ziak a, thil rit tak tak châwi sawnna kháwl siam dàn te pawh a duang chhuak bawk. Hê mi ropui tak hi kum 1519 May ni 2 khan France rama Cloux khuaah a boral ta a ni.
https://tlaizawngpar.blogspot.in
Comments
Post a Comment