THIAN THA LEH RINAWM CHU

1⃣ I nihna leh mizia pawmpui thlaptu a ni:
_Amah leh midang nen a khaikhin lo ang che a, i nihna leh mizia a chhe ber pawh nise, hriatthiamna leh nangmah hmangaih vângin a pawm thlap ang!

2⃣ I lakah thu zêp a nei ngai lovang:
_Miin nangmah an sawisêlna emaw an rêlnate belh awm lovin a hrilh thlap țhin ang che. Ama mizia ngei pawh i bulah chuan a thup lovang!

3⃣ Ngaihdamna ngah mi a ni:
_Ama chunga i tihsual palh te a hrethiam êm êm ang a, a hriatthiam lohna che chu nangmah huat nana hmang lovin țha takin a zawt chiang zawk ang che!



4⃣ I engkim hre vektu a ni:
_Țhian anga in inkawpna la rei lo mahse, in inrintawk dun êm avângin nangma thurûk te, i hlauh zawng te, i duhzawng te, i huatzawng te, i inchei duhzawng te, engkim hrechiang tu a ni!

5⃣ I tlûk palh pawh a, kaitho țhintu che a ni:
_Harsatna, dam lohna, rilru hahna i tawh châng leh i chêt chhiat châng pawha nangmah tihlimtu ni tura i tâna inpe reng peih mi a ni!

6⃣ Mahni hmasial lo mi a ni:
_I hmakhua a ngaih êm avangin amah pawh intheihnghilh țhak khawpin i tan a inpe peih reng ang!

7⃣ Ngaithlatu țha a ni:
_Harsatna i tawn i hrilh te chu dawhthei takin a ngaithla keuh keuh peih reng ang. I natnate chu a hnena i sawi veleh i thawveng huai țhin ang!

8⃣ Fuihtu țha tak a ni:
_Nangman i hrilh kher loh pawhin i tana țha tur hrilh reng theitu che a ni. Duhthlan tur i hriat loh pawh a duhthlanna țha i neih theih nana țanpui țhintu che a ni!

9⃣ Mi rinawm leh rintlak a ni:
_A hnena i sawi tawh chu zêp ngai a nih chuan tu beng mah a thleng lovang. I hnena a tiam tawh chu theihtawp chhuah chunga tihhlawhtlin hrâm zel duh mi a ni!

 I tan a neih a ui ngai lovang:
_Țhian țha chu mi hausa a nih kher a ngai lo. Mi harsa tê pawh nise, a neih ang ang i tan phal takin a pe țhin ang che. Chungte chu sum/pawisa ringawt a ni lo. A hun tam zawk i tan a pe ang a, i mamawh châng apianga țanpui var theitu che a ni!

Hetiang khawpa i tana țhian țha leh rinawm a nihnaah hian nangmah ațangin phûtlêt a nei ve kher lo maithei. Mahse in ințhianțhatna a daih rei theih nan, i tana țhian țha a nihna te hi a phû tawkin nunpui ve ang che!