THE CALABASH NEBULA

'Ni hnuai a thil engkim mai pawh hi Chatuan thleng phak reng a awmlo', kan ti thin a.Ni ngei pawh hian kinni neiin ala thim ve dawn a,Tin,Van thengreng a Arsi te pawhin Nun tawp chin annei ve tho a. Engkim mai hi kumhlun tur kan awmlo a ni.

NASA leh European Space Agency (ESA) te chuan Arsi thi tur inhrosa vel lai thla anla fuh thei hlauh a.He thlalak hi Hubble Telescope hmanga lak niin "The Calabash Nebula" tiin a hming an phuah a,'Rotten Egg Nebula' ti pawhin an sawi ve bawk thin a ni.

Arsi thi turte hian a hma aia nasa fe in êng an pe chhuak ta thin a,vaivut nawi leh gas tam tak an phuh chhuak ur ur reng bawk thin a,Hetiang avang hian Arsi thi tur hi Red Giant anti a ni.


Arsi thi tur inhrosa lai vel hi thil hmuh tur vang tak mai a ni a,chumai bakah mitkhap kar leka thil thleng thin anih avangin a thla lak fuh pawh a har em em a ni.Hetia NASA leh ESA ten a thlalak an tlangzarh mai theite hi Vansang zirmite leh Arsi lam zirmite chuan mak anti in thil lawmawm leh ropui takah an ngai a ni.

He Calabash Nebula pawh hian Arsi thi tur dangte ang bawkin Êng em em a insiamin vaivut nawi leh Boruak te chu darkar khat a Mel 621,371 laia chakin a phuh chhuak sur sur reng bawk a ni.Heng a boruak phuhchhuah ah hian Sulphur a tam em avangin a rimchhe thang huam thei a,Artui chhe rim a nam em avangin Rotten Egg Nebula tiin a hming lem/pakhat pawh an pe nghe nghe a ni.He thil thlenna hmun hi kan awmna Lei atang chuan a hla vang vang hle mai a Light Year 5000 zet a hlaah a ni daih a ni.
(PhoeniX1312017)