SUM TAM TAK AIA A MIHARSA TE TANPUI THLANGTU - VIJAY THAKUR

Mumbai khawpuia cheng Vijay Tharkur-a nupui nau vei, nau neih mai hun tawh chuan a pum chu na a ti em em mai a. Mahse, chumi zan chuan Vijay-a chuan taxi phar din tur pakhat mah a hmu zo lo. Hemi zana a thil tawn hian Vijay-a rilru a ti em em mai a. Amah hi engineer niin, a engineer hna chu a bansan a, taxi khalha eizawn ve a,
\anpui ngai apiang \anpui turin a rilru a siam fel ta hmiah mai a ni. Hospital-a kal duh apiang tan a thlawnin taxi chu a khalh sak \hin a. Thlatin Rs 10,000 vel sum a la lut \hin a, chu chuan Engineer hna a thawh laia a hlawh chanve a chanve pawh a pha lo. Mahse, chu chuan a rilru a ti buai eih lo. A thil tum ber chu mi tupawh \anpui an ngaih hun apiang a \anpui a ni tawp mai. Vijay-a chuan, 'Emergency thil-ah zing dar 3-ah pawh min min lo bia se, an kal duhna hmunah ka thlenpui zel ang" tiin a sawi.
Zankhat chu zing dar 2 velah hian mi pahnih hian a taxi chu an lo phar ding a. Chumi te chuan hmeichhe pakhat a taksa hmun za a 75 lai kang (Burn) hi an lo buaipui hi a lo ni a. A hma pawhin taxi tam tak auh din an lo tum tawh a. Mahse, tute mah chuan an taxi-ah chuan an lo phur duh lo hi a lo ni a. Chu chanchin a hriat chuan Vijay-a rilru chu a na leh ta em em mai a. A taxi a blanket chu a la chhuak a, chunu chu a tuam tir a, a rang a rangin hospital hnai berah chuan a tlanpui ta nghal a ni. Vijay-a chuan chunu chu enge a an zel tiin a kan fo va. Pathian khawngaihna a zarah a lo dam chhuak leh a, \hian \ha tak an ni zui a, chu nu pawh chuan lawmthu a hrilh mawlh mawlh mai a ni.
July ni 26 a Mumbai-a tui a len chiam \um leh November ni 26 zana Taj Hotel beihna rapthlak tak thlengah pawh khan Vijay-a chu a awm mai mai hauh lo. Amah mamawhtu apiangte \anpui turin a in pe tawp mai a ni. Vijay-a chuan, "Pawisa hi engkim a ni lo tih ka hrechiang em em a. Engineer hna ka thawh lai khan thla khatah cheng 65,000/- vel ka hlawh \hin a, mahse, tuna ka thiltih hian min ti hlim em em zawk a ni" tiin a sawi.
Mr Vijay-a hi kum 74 a upa a ni tawh a, \awng chi hrang hrang 11 lai a thiam a, a fate pawh mi puilting tak tak niin private firm te an din a. Amah ngei pawh Engineer hming\ha taka hahdam taka pension thei dinhmuna ding a ni. Mahse, chu aia a nuna miten hria se a tih zawk chu sawiin, "Damlo \anpui ngaite Emergency case-ah \um 500 zet hospital-ah ka hruai tawh a, an damchhuah leh theih nan theihtawp ka chhuah \hin. Mite pawh hian taxi driver satliah tiin min hrereng se, ka lawm tawk em em a ni" tiin a sawi.


💮🍡💮🍡💮🍡