JAPAN IN MOBILE PHONE CHHIA ATANGIN OLYMPIC MEDAL SIAM DAWN

 Kum 2020-a Olympic thlengtu tur Japan ram chuan an ram mipuiten he infiamna-ah hian an tha an thawh ve (direct involvement) a ni tih rirlru an put ngei theih nan phone chhia leh hmnaraw hlui an pekkhawm recycle atangin infiammi te awrh tur medal siam/chhun an tum tih organisers ten an sawi.



Tin, he hmalakna hi sustainability promote nan leh he infiamna atana sum senso (budget) 3 trillion yen ($26.5 billion) chuang zet save na tur atana ruahmanna pakhat a ni bawk.

Tokyo 2020 organising committee te chuan Japan ram pumpui atanga mipuite mobile phone leh inchhungkhur bungrua (small household appliances) hluihlawn tawh pek khawm atang hian medal siamna tur châk (metal) tonne 8 bawr vel- Gold 40 kg, Silver 2,920 kg leh Bronze 2,994 kg vel an lakkhawm theih an inbeisei a ni.

He thil hi Olympics chanchinah a vawikhatna leh thil thar a ni a, heti zat hi an ngah thei anih chuan Olympics leh Paralympics a medal 5,000 siamnatur chak (metal) tonne 2 a daih zan dawn a ni.

Tokyo 2020 Sports Director Koii Murofushi chuan, "Kan khawvelah hian resources hi a tlem (limit) em em a, chuvangin heng bungraw hluihlawn hman nawn tura sawngbawl (recycling) a, thil thar dang atana hman hian kan zavaiin environment atan ngaihtuahna min siam dawn a ni," tiin nimin khan news conference-ah a sawi.

Kum 2004 a Athens Olympics a Hammer throw a gold medalist chuan, "Heti ang a infiammite awrh tur medal siamna atana Japan mipuite hnena mawhphurhna pek ve hi thil tha tak a ni. Naupangte tan pawh medal siamna-ah tha an thawh ve a ni tih rilru a siam ang a an tan thil hriatreng tawh tur pawimawh tak a ni dawn a ni," a ti.

April thla atang hian office hrang hrang leh telecom firm, NTT DoCoMo store-ah a chhunkhawmna tur (collection box) te hun a ni ang a, an ni hi hemi project atana din, environmental firm, Japan Environmental Sanitation Center for the project te thawhpui tur an ni.