HMEICHHE TAN ZU IN NASATIN FA NEIH THEIHNA CHANCE ATI HNIAM

Hmeichhia kar khata zu no 14 emaw a aia tam emaw in thin te chuan a in ve ngai lo te aiin nau an pai theihna chance 18%-in a tihniam thei niinmithiam ten zirchianna an neih atangin an hmuchhuak niin an sawi.

Hetihrual hian zu tam vak lo a in chuan hmeichhiain fa a neih theihna chance a tihniam chuang lo niin an sawi a, in tam lo an tih hian kar khatah zu no 1 atanga no 7 in te an huam tir. Zirchianna neitute chuan nau pai dawn chuan hmeichhiain nau a pai theih hun chhung chu nupaa zulaka inthiarfihlim a tha ber niin an sawi a, nau pai tan tirh kar hmasa lamah nu chhula nau insiam chuan zu a haw hle niin an sawi.

University College London-a mithiam Annie Britton chuan, "Zu chu in loh a tha ber a, mahse, kan in duh a nih chuan tlem(kar khatah no 1 atang no 7) in tur a ni a, chu chuan nau pai theihna (fertility) a tibuai lo," a ti.

Ram changkangah nupa naupai lama harsatna nei hi 24% vel awm angin an chhut a, UK, US leh Denmark leh ram thenkhatah chuan nau pai duh chuan hmeichhiain zu in loh tur tiin guidelines an siam hial a, mahse, zu-in hmeichhe nau pai theihna a nghawng pawi theih dan hi chiang taka hriat theih a la ni lo.

Britton-i'n The BMJ-a paper a publish-ahchuan, "Engpawh ni se, tum khata zu in teuh hian naupai theihna chance a tihhniam mai bakah thlatin hunbi neih dan thlengin a tibuai thei a ni. Nupain nauneih an tum a, an hlawhtling mai thei lo a nih chuan an pahniha an zu in an tihtlem a tul ang," a ti.

He zirchiannaa hi Danish hmeichhia 6,120, kum 21-45 inkarah neih a ni a, hmeichhia te chu an nau an pai hmaa zu an indan leh nau an pai hun te uluk takin an zir a, heng zinga hmeichhia kar khata zu no 14 emaw a aia tam emaw in thin tezung cycle 307-ah naupai 37 an awm a, chutihlaiin chutiang aia tlem zu in hmeichhia-ah chuan cycle 8,054-ah naupai 1381 an awm thung a ni.

*** The Aizawl Post