DONALD TRUMP-AN $1(Rs.65/-) CHIAH A HLAWH ALA DAWN
Bible Code-ah Donald Trump-a Chu US President A Nihtur A Lo Sawilawkna Hmuh A Ni!!!
Conspiracy Theorist-te chuan Kum zabi 16-naa Zawlnei ropui, vawiin thlenga a thu puanlawk tam tak thleng dik tawh nia an sawi Nostradamus-a chuan tun tum US President inthlana Donald Trump-a a chak tur thu hi a lo hmu lawk niin an sawi. Donald Trump-a chu Khawvel tawpna tur niin an sawi bawk a ni.
Nostradamus-a hian a thu puanlawk pakhatah chuan, "Mi ropui, zakthei lo, thawm na tak chu Governor of the Army-ah thlan a ni ang. Lei te a chim ang a, Khawpui chu hlauhnain a tuam ang," tih a awm niin an sawi.
Conspiracy Theorist-te chuan heta Nostradamus-a'n a sawi hi Donald Trump-a ngei hi niin an ngai a, Donald Trump-a hi Racism, Sexism, Xenophobia, Islamophobia leh Sexual Assault chungchangah a Campaign lai pawha an puh nasat kha a ni a. Nostradamus-a'n 'mi thawmna' a tih hi Donald Trump-a ngei hi niin an ngai tlat a ni.
Nostradamus-a chuan, "Chumi hnu lawkah chuan tharum thawhna nasa tak a thleng ang a, Vanah Simeikhu a lang bawk ang," a ti bawk.
USA President 45-na tura an thlan tlin tak sumdawng hausa tawntaw Donald Trump-a hi nakkum January ni 20-ah USA President atana an lakluh hnuah President hlawh Dollar 4,00,000 chu lak a tum loh thu a sawi a, chu aiah chuan kum khatah Dollar 1 chiah a hlawh dawn a ni.
US President hian hlawh a neih ngei a tul a, chu chu danin a phut miau si a, tunah hian kum khatah Dollar 4,00,000 an hlawh a, hei bakah hian Annual Expence Account Dollar 50,000. Non-Taxable Travel Account Dollar 1,00,000 leh Entertainment atan Dollar 19,000 an dawng a ni. Hei hi President Bill Clinton-a hunlai, 1999 khan Congress-in a approve a, 2001 atangin an hmang tan a, vawiin thlengin an la tidanglam lo. Trump-a hian hlawh tlem thei ang ber, Dollar 1 hi a hlawh dawn ta a ni.
Trump hi President atana Elect a nih hnuah CBS News tan Lesley Stahl chuan a show '60 Minutes' atan a interview-a. He interview-ah hian Trump-a bakah a nupui Melania Trump leh a fate pawh an inlan bawk.
Bible Code-ah Donald Trump-a chu United States President a nih tur thu a lo sawilawk tawh niin Rabbi Glazerson-a chuan a sawi a, he thu hi Breaking Israel News chuan a tarlang a ni.
Bible Code pahniha an then chu Rabbi Glazerson-a chuan base-ah hmangin, Deuteronomy 31:18 ah Hebrew tawng "nasi" tih chu " President" tihna a ni a, "artzot haBrit" tih chu "United States" tihna a ni leh bawk tia sawiin, helai Bible Code hian US Presidential Election a lo sawilawk a ni a ti.
Bible Code pahnihna chu Isaiah 45:1 ah Hebrew tawng "Moshiach" tih tum hnih a awma, "Moshiach"tih chu "hriakthih" tihna a ni a, Persian Lal Cyrus-a chuan Juda ho chu Israel-a Kira Temple sa tha leh turin a lo tanpui a ni. Chutiang bawkin Rabbi Glazerson-a chuan "Mi tupawh, Israel tanpuitute chu "Moshiach" an ni tia sawiin, Donald Trump-an Israel chu kawng tam taka a lo thlawpna nen chuan a inmilin a sawi bawk.
Donald Trump-a hming Hebrew tawng "bocher" tih chu "thlan" tihna nen thuhmun reng a ni tiin a sawi a. Tin, "nasi", "artzot habrit" leh 7 cheshvan 5776 chu Tuesday, 8 November, 2016 a ni. Chu ni chu US Election ni chiah kha a ni tiin Rabbi Glazerson-a chuan a sawi.
#Copied & Compiled from various source
Comments
Post a Comment