16 TIME WORLD CHAMPION NI TURA JONH CENA ZINKAWNG

Kum 2002 a Smackdown a a debut hnuah John Cena hi tun thleng hian WWE Superstar lar ber pawl a la ni reng a, tun hnaia Royal Rumble match ah khan SmackDown Live top heel AJ Styles hnehin a career a a vawi 16 nan World Champion a ni ta a, WWE Hall of Famer Ric Flair a record a nih rual chiah bawk. John Cena hian a career ah hian WWE Championship vawi 12, World Heavyweight Championship (Big Gold) vawi 3 leh WWE World Heavyweight Championship (Unified) vawi 1 la tawhin a vaia belhkhawm hi 16 a ni a, hriatpawlh loh tur a ni. Tunah chuan World title hi pahnih a awm leh tawh a, Raw ah WWE Universal Championship niin SmackDown Live ah WWE Championship (WWE World Heavyweight Championship hming thlak) a ni a, a pahnih sawi kawp nan hian World Champion tiin sawi a ni zel tawh ang. John Cena hi a career ah vawikhat mah a la heel turn (misual pawl) ve lo. World Champion vawi 16 ni tura a zinkawng duhawm chu:

1. WRESTLEMANIA 21 (APRIL 3, 2005) - "Wrestlemania Goes Hollywood" kumah hian John Cena chuan a career a World Championship match hmasa berah John Bradshaw Layfield (JBL) chu hnehin a vawi khat nan WWE Champion a ni ta a, hemi hnu hian kum 6 a zawnin Wrestlemania ah World Championship match a nei leh a, chung zingah chuan vawi 4 a chak a ni. JBL a hneh hnu hian WWE Championship belt design chu thlakin spinning belt in a rawn thlak a ni.

2. NEW YEAR'S REVOLUTION (JANUARY 8, 2006) - He show hi 2006 a WWE PPV hmasa ber niin WWE Championship chu Elimination Chamber chhungah defend a ni a, John Cena chuan a career a a vawikhat nan Chamber match chhungah hian ke a pen a, a tawpah Carlito pinned in WWE Champion a ni ta. Amaherawhchu a title a celebrate laiin Edge chuan Money In the Bank contract a rawn cashed in a, a title chu a hloh leh nghal.

3. ROYAL RUMBLE (JANUARY 29, 2006) - Kar 3 hnuah chuan a title rematch neiin John Cena hian Edge hnehin WWE Championship chu a lakir leh ta a, heta tang hian John Cena Era kan hmu chho tak tak tan ta.

4. UNFORGIVEN (SEPTEMBER 17, 2006) - Hemi kum hian Rob Van Dam chuan Money in the Bank cashed in Cena chu a hneh a, chumi hnuah RVD hi Edge an a lo hneh ve leh a, tichuan Cena leh Edge hi in fued lehin Unforgiven PPV ah TLC match intumin Cena chuan ladder ft 20 atangin Edge chu a FU a, tichuan WWE Title chu a la leh ta a ni.

5. SURVIVOR SERIES (November 2008) - Hemi kum hian August thlaa Summerslam PPV ah Cena hi Batista nen intumin vanduaithlak takin a hnungzang ruh a tina a, thla 2 hnuah rawn return lehin Survivor Series PPV ah hian Chris Jericho nen inbeiin a chak a, a career a a vawikhat nan World Heavyweight Championship Big Gold belt chu a la ve ta a, hei hi World Champion vawi a nihna a ni.

6. WRESTLEMANIA 25 (APRIL 2009) - Hemi kum February thlaa No Way Out PPV ah Edge chuan Elimination Chamber match ah a World Heavyweight Championship title hi a chhuhsak a, tichuan Wrestlemania ah Big Show leh Edge te nen triple threat match neiin an inbei ta a. He match a chhinchhiahtlak deuh chu John Cena hian a rualin Edge leh Big Show te hi second 4 vel a pu thei. Tichuan Big Show a pinned hnuin John Cena chuan a World Heavyweight Championship chu a la kir leh ta.

7. BREAKING POINT (SEPTEMBER 13, 2009) - WWE Champion Randy Orton leh John Cena te chu "I Quit" match ah an inbei a, a tawpah Orton chuan "I Quit" tiin Cena chu WWE Champion a lo ni leh ta.

8. BRAGGING RIGHTS (OCTOBER 25, 2009) - Hemi hma hian Hell In a Cell ah Cena chuan a title hi Randy Orton a lakah a hloh a, tichuan Bragging Rights ah hian 60 minute Iron Man Match ah intumin John Cena hi 6-5 in a chak a ni.

9. ELIMINATION CHAMBER (FEBRUARY 21, 2010) - Hemi tum hian Sheamus chuan Elimination Chamber match ah a WWE Championship chu a defend a, a tawpah John Cena chu vanneiin Sheamus a hnen atangin a championship chu a lakir leh ta. Amaherawhchu match tawpah Mr. McMahon thupek angin Batista chuan John Cena hi rawn attack in fair lo takin WWE Championship match an nei leh a, tichuan Batista chuan John Cena championship chu a chhuhsak leh nghal.

10. WRESTLEMANIA 26 (MARCH 28, 2010) - John Cena leh Batista te chu August 2008 hnuah an in fued leh ta a, hemi tuma an storyline ah hian Summerslam 2008 a Batista in Cena a hliam dan te kha tarlan thar leh a ni. He match ah pawh hian hetiang deuh chiah chiah hian turnbuckle atanga Cena zuang chu Batista in a lo powerbomb a, amaherawhchu hetah hi chuan an in hliam tawh lo. Tichuan John Cena chuan Batista chu STF in a tape out a, submission hmangin a WWE Championship chu a chhuhsak ve leh ta.

11. EXTREME RULES (May 1, 2011) - Hemi PPV hma chiah Wrestlemania hian John Cena leh The Miz te chu WWE Championship neiin an intum a, match tawp lamah The Rock an a interfere avangin a chak ta lo. Tichuan PPV hmasa leh berah Steel Cage chhungah The Miz chuan John Morrision leh John Cena te lakah a title hi a defend leh a, a tawpah John Cena chu chakin WWE Champion a ni leh ta.

12. RAW (JULY 25, 2011) - Hemi thla Money in the Bank PPV ah CM Punk chuan John Cena hnehin a WWE Contract tawp zanah (July 17) WWE Title nen a chhuak a, tichuan Vince McMahon an WWE Championship siam tharin Raw ah Rey Mysterio nen inbeiin Cena chu a chak a, a champion leh ta.

13. WRESTLEMANIA 29 (APRIL 7, 2013) - Hemi kum hian John Cena chu Royal Rumble match winner a nih angin Wrestlemania ah World Championship match a nei a, hemi kum hian Wrestlemania 28 a a lo hneh loh tawh The Rock chu WWE Champion a lo ni ve bawk nen beih a thlang ta a. A kum zawna an vawi hnih inbeih naah hian Cena chuan The Rock chu Attitude Adjustment in a phuba a la ta a, WWE Championship belt design thar nen Met Life Stadium, New York chu a chhuahsan.

14. HELL IN A CELL (OCTOBER 27, 2013) - Hemi hun hian 2008 a a hliam ang deuh khan thla 2 vel a chawl leh a, hemi tum hi chuan a kiu (elbow) hliam vangin a chawl a ni. Tichuan Hell in a Cell PPV ah World Heavyweight Champion Alberto Del Rio rawn hmachhawnin a career a a vawi 3 nan World Heavyweight Championship (Big Gold) title a la a, mahse hemi kum December thla khan TLC match ah Randy Orton chu hneh lovin a title a hloh a, heta tang hian WWE leh World Heavyweight Championship te chu unify in a hmingah WWE World Heavyweight Championship an lo ti ta a ni.

15. MONEY IN THE BANK (JUNE 29, 2014) - Hemi hun hian Champion lai Daniel Bryan chu a inhliam tak avangin a title a relinquish a, champion thar zawng tur hian Ladder match ah John Cena chu a vawikhat nan WWE World Heavyweight Champion a lo ni ta a ni.

16. ROYAL RUMBLE (JANUARY 29, 2016) - Kum 2 leh thla 7 hunah John Cena chu World Champion a ni leh ta. San Antonio, Alamodome a mipui 52,020 hmaah khawvela pro wrestler tha ber pawl AJ Styles chu match hmuhnawm leh ropui takah hnehin a vawi 16 nan World Champion a lo ni ta a. Match zawhah backstage lamah a thiante'n an lawmpui a, a record nih rual pui Ric Flair pawhin a lo chibai ve.

Engpawhnise John Cena hi Ruthless Agression Era, PG Era leh tun New Era thlenga WWE Franchise Boy ber a la ni a, vawi 16 World Champion a ni pawh hi a mak lutuk hran lo. Social media, commercial leh advertisement a WWE Promote tu ber a ni a, amaherawhchu Pro Wrestling hardcore fans tak tak tan chuan a game hi hmuh a boring deuh thin. Amaherawhchu a tello hi chuan a famkim tak tak thei lo tih chu kan pawm theuh awm e. 2006-2007 vel khan John Cena hi Mizo a ni tiin a thang chiam mai kha a ni a, hetih hunlai vel hian puitling zingah pawh fiamthu mai kha thutaka lo la a lo awih hman te an lo awm a, a atthlak thin hle a ni.

John Cena hian 2013 khan a nupui nen an inthen hnuah WWE a a thawhpui Nikki Bella nen inkawp chho in nupa nghet ni chiahlo mahse couple inhmeh tak an ni a, tun thleng hian khawthlang media te beng WWE in Make-A-Wish foundation an buatsaih atangin thawhhlawk ber a ni a, naupang natna khirh tak tak tawk tawh 500 chuang tan an duh tihhlawhtlin sakin thilpek tam tak a pe tawh bawk. Hmanni deuha Forbes in khawvela infiammi midang tana sum theh chhuak hnem an tarlan ah pawh khan Cristiano Ronaldo chiah a tluklo a ni. Pro Wrestling a chawlhsan hma hian Ric Flair a 16 time World Champion record hi a la khum ngei dawn a, engtik nge tih leh khawi hmun nge tih chu hunin a la hril ang chu. Tin John Cena hi nu leh pa thuawih tak a ni a, hman kuma TMZ in an interview naah tatoo a neih loh chhan zawtin Cena chuan "Tatoo hi kan chhungkua in kan ngaina ve lo a, tin ka nu hian chhut a phal lo bur. A thu ka awih loh chuan min hrawk hrep a ni mai" a ti. WWE bakah Film hrang hrang atang te in sum tam tak lalutin insiam milian tawh mahse hetiang dinhmun a thlen theihna chhan Pathian leh a nu leh pa te a zah thiam a, a ngaihsanawm hle a ni.