US PRESIDENT DONALD TRUMP CHANCHIN 8 :

1. US PRESIDENT TAWH AZAWNGAH A UPA BER; Donald Trump hian nikum June thla ni 14 khan a kum 70 piancham a lawm chiah a, US president ni tawh azawngah a upa ber a ni. Ronald Reagan kha kum 1981 kuma US president a nih khan kum 69 mi a ni. Donald Trump hi a hriselna a ţha hle a, a doctor chuan US president-a thlan tawh zinga minung hrisel ber a ni, tiin a ziak tawp.


2. US PRESIDENT NI TAWH ZINGA BILLIONAIRE AWM CHHUN A NI; Donald Trump hi US president ni tawh zinga billionaire awm chhun a ni a, a sum neih zat Forbes-in an chhut dan hian $3.7bn (£3bn) ni turah an ngai a, amah Donald Trump insawi dan chuan billion dollar sawm aia tlem lo nei mi ka ni e, a inti a ni. Billion khat chu tam tak a ni; 1,000,000,000 = one billion. Donald Trump hian California Governor hlui Arnold Schwarzenegger dung thulin a hlawh hi a hming mai mai atan dollar khat chiah a la dawn a ni.

3. MI HAUSA TAWNTAW HLIR AWM KHAWMNA DONALD TRUMP CABINET; Abraham Lincoln chuan, Democracy is the government of the people, by the people, for the people tiin a lo hrilhfiah a, Vermont Senator leh Democrat presidential contender ni bawk Bernie Sanders chuan Donald Trump administration chu : of, by and for the millionaires and billionaires," a ti a ni. commerce secretary nominee Wilbur Ross sum nei hlut zawng hi $2.5bn vel niin an chhutsak a, Treasury appointee Steven Mnuchin hian sum $40m vel nei turah an ngai bawk a ni.

4. POLITICS BELA CHHUM HMIN LOH PRESIDENT; Donald Trump tlin pawimawh em emna chu a dam chhung zawng hian khawi state governor mah a ni ngai lo va, Congress-ah senator pawh a ni ngai lo va, politics belah chhum hmin a la ni ngai lo reng reng a, hei tak hi mi thenkhat chuan a ţhat zawkna tam tak a awm theiin an ring ve thung a ni.

Kum 1953 khan politics khel ve ngai lo Dwight Eisenhower chu US President atan thlantlin a lo ni tawh bawk a, a ni kha chu Khawvel Indopui II-naa Sipai hotu Lal ber, Supreme Commander of Allied Forces a ni thung a, Donald Trump hi US sipai-ah pawh a ţang ve ngai lo reng reng mai a ni.

5. MAHNI MAKPA ADVISER ATAN RUAT HMASA BER A NI: Donald Trump hian a makpa, real estate developer Jared Kushner, 36, chu a senior adviser atan a ruat a, US politics chanchina makni makpa senior adviser atan ruat awm chhun a la e, anti bawk a ni. Donald Trump fanu upa ber Ivanka Trump pawh hi nu ropui tak leh sum dawn thiam leh thil tithei tak a ni a, US President lo ni tawh fanute “"First Daughter" zingah a ropui lawt lak ang e, an ti bawk a ni.

6. WHITE HOUSE-A RAN VULH TLEM BER: Kum 100 chhunga White House luahtu zingah Donald Trump hi ran vulh nei lo awm chhun tur niin an sawi bawk a, John F Kennedy khan ui ngaina tak mai a niin ui chi hrang hrang a vulh bakah sazupuite thlengin a vulh thin niin an sawi a, Donald Trump hian ran hi a ngaina vak lo a nih hmel khawp mai.

7. AMERICA PRESIDENT ZINGA FREE-TRADE DUH LO BERTU A NI. Donald Trump thlantlin a nihna chhan pawimawh tak chu America ram chhunga hna tam zawk siam a intiam vang a ni ber a, a sawi ang tak tak hian BBC Panorama-ah America ram steel industry tlukchhiat dan te, Mississippi luipui dunga thing lama sumdawnna an lo tlakhniam nasat tawhzia te ka en ve a, Free-Trade avang hian America ram mipui tam takin an lo tuar nasa ngiang reng hi a lo ni a.
Kum 2015 September thla khan Donald Trump chuan , Economist China hian chem. lovin kan lu an la a ni, a ti a. hnathawktu man tlawm umin Americia company lian tak takin China ramah industry lian an din vak vak a, heng foreign investment avang hian China hi a lian tual tual ta mai a ni. America ram mipui middle class te a ro ngawih ngawih si a ni.

Chuvangin Donald Trump chuan China rama thil siam America rama lakluh reng reng chu 12% chhiah lak a tum thu a sawi tawh bawk a ni.