LAWNGTLAI BANK RAWK A NI!

(Ka hriatdan leh tawn chin chiah ka ziak ang)

17-Jan- 2000: Thlasik a la thaw..Lawngtlai khaw lum tak thin pawh a la vawt var mai. Kan in atang State Bank of India awmna hi feet 150 vel a hla ani a, kan in karah Lawngtlai hming sawi tawh a rilru a lo lang ve ziah Areopagy a ding luah bawk a. Thawhtanni ani a, tlailam Dar 6:00Pm vel niin ka hria, kan in atang ka chaw eikham kuhva lam turin kan kawmchhak dawrte ah ka han chho zawk a,
ka chhuk leh chu In ka luh rual deuh thaw hian Police civil dress (Valtea nita in ka hria a hming kha) Bank guard chu lu leh hmai thi hnuangin a rawn tlan lut a, a hlauthawng lutuk mitmeng kha ka theihnghilh thei lo reng reng, Bank an rawk ania! a ti chul mai bawk nen kan nu te ho lah chu thisen chhuak an hmuh khan kil khatah an lo tawmim chawih chawih bawk a, hetiang hunah hian ka vanneia a hamhaih lo pawl ah ka awm leh hlauh thin, chuan Police chu tui khawihna lampang ah a thisen tifai turin ka hruai phei chiah tih in puakrang leh a kar ah pistol a rawn ri ta thuai thuai mai, Sitting room ah ka tlan phei a telephone-in (Mobile ala awm loh kha auh) Police Station ka phone nghal a.

Vaipa: Hello Lawngtlai Police Station

Kei : Hello, hei Bank an rawk ania!

Vaipa : Eng maw kapu..

Kei : Bank an rawk ania ka tih chu

Vaipa : Beng maw..enge beng chu

Kei : Zawnga i rui a mi? State Bank of India i hria em? Pawisa dahna hiiiii....

Misualin pawisa an ru ka ti anih chu, (hetih lai hian silai a la puak thuai thuai reng bawk a) silai ri te chu i hria em?

Vaipa : Malum hai, ka hria e

Kei : Silai nen lo tlan thla nghal rawh u, Hel anni ang.

Hemi tum hi ka phone biak ah chuan ka thinrim ber tum ani ang ka ring. Phone ka dah chiah a lo ri lehnghal a, Council veng lam a upa pakhat hi alo nia "Bazar a thil puak ri kha rambuai lai ri ani tlat enge thilthleng a awm em?" Ka han sawifiah zung zung a tumah Bazar lama lo chho lo turin leh light pawh off turin ka hrilh a kei pawh chuan light ka off ta vek bawk a, makve deuh mai chu light off hi alo lang tlat anih chu... silai an pawng kah nasa sia, kan in eng te khan an mit ala deuh anga min rawn phuh hrep palh ang tih kha ka rilru ah a lo lang ve tlat a.

Nakin deuh ah chuan ... (Ka inkhawm phawt ang) Nakin deuh ah chuan ka han tlanchhuak a, rilrua awm tur awm ang chu in ngaihtuah thiam maiin ka ring, State Bank meuh han rawk ngam chu Delay group te in siamin kiltin ah Hel ho an tawm kha a rinawm a, eng Hel pawlin nge rawk ang BNLF te anni angem? engzat tak kaphlum tawh ang maw, MAP Guard ten an lo kap let bawk anga etc etc.....silai ri lah SBBL ri mai mai ni hek lo, a ri zawt zawt mai bawk, State Bank bul chu silai puak ah chuan a eng/tek chuai chuai mai a van lam leh inchung lawk lawk ah chuan silai mu a ving sen thiak thiak mai bawk nen, ka han hawi a mi thenkhat tlanchhe hlawk hlawk te pawh chu ka va hmu bawk, ka thian thenkhat tlanchhiat ngaihna vak hre lo te pawh chu dawr bang an lo phen hlawm a, Malsawma(RIP) scooter in alo tlan a Bank an rawk tih pawh hre lo chuan Bank kawt ah a scooter a la ti thi zui, ‎"Hey nang kha thih i duh loh chuan tlan rawh" tih leh kah an rawn rual ta mai, mahse vanneihthlak takin an kap fuh lo hlauh a, a hlau lutuk chu a scooter tlansan ve mai tur kha a han nawr ta tak tak mai anih kha! a hnua a sawi leh dan chuan "min rawn kap kha ka lu chung ah a rawn sen phei zuai a, ka hlau lutuk kha ka scooter ka nawr leh nawr loh pawh ka hre lo a nung lo khan a lo tlan chak theih fe zawk ani ang ka harh leh chuan a chhak kawngkawi ah ka lo thu hle hle" a tia lawm. Thianpa Raju a pawh khur dar dar chungin kan bulah chuan a lo tlanphei ve a, dawr nghaka a thu kha a bek thawi faih in dawr bang kha an rawn kap tlang zawk chu niin, a hlau lutuk a thutna atang atla thla tawp a, a rawn vak chhuak a min hmuh velah a lo phei chu lo niin, a thi teuh kher mai.

Bazar veng YLA information a rawn ri ta nghal a Mipui tumah pawn chhuak lo turin leh pawna awmte pawh in thiarfihlim turin Ruatpuia a rawn au a, silai ri nen Mike ri kiu nen

nervous theih ve tak chu a ni. Areopagy ban phen atang chuan kan en reng a, Bank rawk tute chuan Bank chhak lawka standby a an dah Jeep chu an rawn khalh thla a, silai kha kan hnaih ngam loh nan a puak thuai thuai reng bawk a, Bank chhung atang chuan Bag lian pui pui hian pawisa an rawn pu chhuak hlawm a, hetih lai hian a then in an guard reng bawk a, pawisa bag thenkhat chu an in zawn hlawm niin ka hria, an duh tawk a la tawh ni hmiang kan lam pan chuan an rawn tlan phei a, keini bihrukna tur zawng kan tlandarh a mahse Areopagy leh State Bank in kar ah chuan an ding leh a, an va back phei leh a, ngatinge le tia ka ngaihtuah lai tak chuan an thianpa pakhat an lo tlansan tep chu alo nia :-). An rawn tlan phei a Areopagy bulah chuan pistol an ri leh thuai a (kan step bulah ka thu tlum khiau) Saiha road lam ah an tlan phei ta a...... State Bank lam panin kan tlanphei ve leh nghal a, mitthi te an awm leh awm loh en turin Bank chhungah chuan VCP Pu C. Sangchhunga leh nichina mike a au ka tih Ruatpuia Bazar veng YLA G/S nen kan tlan lut a, mak tak maiin ruang hmuh kan tum nen, a lo ruak vek mai.

Bank staff te kha zanah hnathawkin an awm reng si a, khawnge an awm zawh tak? an kidnap ami ni ang? Hetih lai hian Bank chhunga thilthleng hre duhin pawnah mipui an awm khawm thup mai bawk Bank staff te zinga mi pahnih an rawn chhuak hlawl a, Bank rawk tute khan a chhungah an lo nawr lut chu niin.. (an khur der der) an hlau lutuk chu kan han thut hahchawlh tir te te a, thil awmzia te kan han zawt a, tumah kidnap an awm loh thu leh mitthi pawh an awm loh thu te kan han hriat hnu ah mipui te chu kan han hrilh hria a.... Police pawh .303 tar lam tawh tak nen khawng takin an lo thleng ve a, police zurui pakhat rawn pawr ve deuh tum a awm a kan ben kha...Bank kawt ah khan misual ho khan pawisa an lo thlauh a nuaikhat nita in ka hria, a lo chhartu khan rinawm takin Bank ah a pe let thlap a (Bank ah peon in an la nghal, anghetin) Bank rawk tute kha Saiha lam pan tumin an tlan phei ka tih kha, Chandmary veng an va thleng a, Saiha leh Chawngte peng thuam ah tak LADC Night Bus a lo in her lai an va nang fuh a, silai lah kha an hmetpuak phei a "Bank kan rawk e, kan hlawhtling e" te an va ti phei vel bawk nen, an tum loh lam Chawngte road ah an tlan thla a, hemi zan hian Police ten an umzui a mahse silai keng han um chu a nuam vak lo ani ang an um pha ta lo anih kha!!

Bank rawk tute hi ka hre kim lova :

Capt. Zaza (Arakan Army) Capt. Prisai(Chin National Army) Lalneiha, Lalhneha etc...

An lak zat : Rs 5.76 crore

Recover zat 36.5lac.

Bank pawisa lo chhara pe let leh tu hi Zachina ani e, chuan Strong room a an lo khung staff pahnih te khi Zothanmawia leh Pu ChKa

Comment: BigDaddy Hmahmatea:

Lalneiha leh Lalhneha te hi an man khan Aizawl Central jail lam ah an rawn sawn phei a.Hetih lai hian case lian ve tak mai neiin ka tan lai ani a.A case lian deuh deuh ho hi 2ward A&B ah min dah khawm thin a.Ward ah hian a hruaitu pawl ka ni ve a.Tichuan an chanchin chu ka zawt ta a.An pawisa kha a tam zawk chu Burma ram an luh pui a.Burma ah hian an chhungte mi hrang hrang kutah an dah darh nual hlawm a.Hetia an chhungte kuta an dah hi,an dahna te ho hi an lo che lian deuh aniang,.rinhlelh an kai ta a-

Lalthangpuia Chinzah:

Hemi tum hian Inspr. H.T Sapsanga tuna DSP nita hian 35lacs leh Stengun, G3, Carbine 6 lai mai a recover a, a fakawm khawp mai.

Tin, silai hi MAP ho ta a an laksak te an ni hlawm a, hemi tum hian MAP ka ina lo lut thi hnuang mai ka tih kha, Bank kawtah tubohin an chhu a, a lo tlan phei anih kha... Chandmary lama an tlan phei lai pawh khan an au a "Bank kan rawk e, kan hlawhtling, kan Champion" te an ti phei nasa anih kha, Opium an rui bawk... zam lo hlawm ania aw.

Bank duty pakhat Rinpuia chuan chaw eia a haw dawn khan a silai kha a khumah rizaiin a khuh a misual ho khan an hmu lo hlauh, Bank Guard ho suspend zingah khan a tel loh phah nghe nghe.. luck ve khawp mai. Tin, MAP ho khan Malkhana ah khan silaimu pakhatmah an lo dah lo hlauh a, an silai ruk ho pawh kha an hmang thei ta chuang lova, ramhnuaiah changelin an lo khuh a an va recover ta anih kha

khatihlaia Bank duty te kha 2nd Battalion MAP te kha anni a, zu kha an duh hlawm khawp mai, an lo chhut thluk a pawh kha a duty laiin zu awmna an va zawt a, phur taka kawhhmuh a tum laiin an chhuthlu tawp anih kha. Tin, a suam tute an zawn lai khan Police lamah Soldier of Fortune an awm nual avangin progress pawh a awm meuh lo

Comment: Rosy K Remsangpuii:

Hemi trum Bank rawk hi ka hre ve. A rei tawh na a, Aizawl a ka awm tran hma kum chiah kha ani nghe2, u thangpuia sawi ang hunah hian silai puak ri ang tak kan hria a, kapa hi Police CID ah a awm a, news a hre hmasa ah a trang a, a chhuak nghal vut a, thenawm te rawn tlan lut in, naupangho chu tumah thawm ngaihven a pawn chhuak lo turin min ti a. Bank rawk ani chu awm hmunah rindan te puitling ho in an sawi a, kan lo ngaithla thrap a. Thudik anih avang in kalo in sawithei lawk ange. A hma in kapa hian bank rawk an tum thu alo hre ru deuh tawh a CID ah a awm ka tih kha, mahse a thu thlen an la thutak chiam lo nge engmah hmalakna a awm lo a. A zan a zan in a pistol la in a naute nen an umzui nghe2. Thu lengvak police station bula awm kan nih avang in kan hre ve thei reng a. Tichuan kapa te chuan bank rawk ho chu burma ram thleng in an han dap a, ramhnuai ah te riakin an han bawhzui nghe2 a ni. Hetiang anih hnu fe hian, zankhat chu Lawngtlai khaw chhung nisi, fianrial taka Khurpui chhak lawk a awm, (kan pi rual ani na a, kanu leh pa hi 'a u' ti a a koh avangin) U nu-i kan ti mai a,chumi te inah chuan hmaituam silai keng in kapa an lo zawng a, kan in awm na an lo zawt a, a hlau ltk chuan engmah in a chhang hleithei lo a. (tichuan alo kal nge alo phone nge ka chiang talo) kapa in chu thu a han hria chu ''min rik rap an tum khanglang elaw? Mai2! Khawnge min hmu duh chu ka in hmuh tir ange'' atia, a pistol nen läwm lo fahran in, a zän la la in a chhuak a, a va zawng a, kei chu naupan tet atanga ka nau mipa pian hma a kapa fapa kanih thin avang in kapa awmlo a, ka nu te thlabar tur lo thlamuan chu ka tih tur ah ngai in, kan in kawngkapui bul ah khum dah in, kapa chem sei pui mai, Ngunhnàm nen ka mu a, anih na takah chuan kan säwm ni hauh lo a kan in zanlai a rawn luh tum ho chu lo vih kha katum em2 mai ani. Puan hnuaiah Ngunhnam nen kamu meng kar a. Khatih lai khan ka pa leh chhungte chhanhim nan a nun khan ka nun hlan kha ka chak zek2 zawk ani. Kapa chhuak tur kha zui ka duh a, mahse phalsak ka nilo a ni. Tichuan subji bazar lamah an kal an tia, a zu umzui ani awm e kapa chuan, mahse khua an lo chhuahsan hman a, a hmu talo ani. Kha zan kha ka hre reng tawh ang.

{He post hi Mizoram a thil thleng liantham anih avangin tihian comments thenkhat nen docs ah kan rawn dah ani e}

---- Lalthangpuia Chinzah