EIRUK HMANG AN AWMLO!

Mizoramah chuan,  eiruk hmang leh hlem hle tak an awm miah lo a, sorkar hnathawk zingah an awm hek lo,  sum dawng leh kuthnathawktute, nitin eichawp zawngtute zingah pawh an awm hek lo, thil \ha lo kan inpuh kual vel mai mai a ni ang e.


Sorkarna changtute zingah dan dik lo va sum lalut an awm lo a, eptute pawhin sawi tur an hre miah lo tih chu kan ram hruaitute thusawi duh dan a ni.

Kristian ram kan ni a, eiruk hmang leh hlemhle an awm lo a, mahni thawhchhuah ni miah lo la an awm hek lo a, an thlatin hlawh lak leh a behbawm vantlang hriat vek a ni a, Pathian malsawmna an dawnga, sum leh pai an inremchen thiam a, an khawl rek rek thin a, tichuan In leh Lo tha tak tak leh Lo leh huan, Sangha dil tha tak tak te, In hmun lo ram tam tak te nen hringnun an chen mai zawk a ni.

Lalpa zawn chhuah ramah hian eiruk hmang an awm ve lo a, hlemhle taka duhsak zawngte chauh sorkar hna a luhtir an awm hek lo, sorkar hna pension mamawh bik ni lem lo rei tak tak rawih nawn te pawh an awm lo a ni ang, sorkar hnathawk te leh sum dawngte, Contractor leh sorkar bungraw supply \hintute pawhin uchuak takin an hlep ngai miah lo a, hrem ngai tak tak pawh an awm lo a ni.

Rethei leh hausa inkar a zau tual tual hek lo a, mitin te kan intluk tlang dial dial a, hlim takin kan cheng ho mek a ni ang. MAHSE!




-Dingdi Editorial Jan 24,2017